Në Muzeun Etnografik të Gjakovës u organizua aktivitet në kuadër të Ditëve të Trashëgimisë Kulturore Evropiane, me tryezë të hapur dhe ekspozitë me temën “Trashëgimia Arkeologjike në Gjakovë”.
Në aktivitet kontribuuan arkeologu Arian Valla dhe historiani Jusuf Osmani, të cilët trajtuan rëndësinë e hulumtimit, dokumentimit dhe ruajtjes së dëshmive arkeologjike e historike të qytetit.
Drejtori i Muzeut, Besmir Hasi, theksoi rëndësinë e promovimit të trashëgimisë arkeologjike si pjesë e identitetit dhe kujtesës historike të Gjakovës.
