Në Gjakovë është mbajtur ceremonia e shpërndarjes së certifikatave për 154 mësimdhënësit që kanë përfunduar Trajnimin e Kurrikulës, të organizuar nga Drejtoria Komunale e Arsimit.
Drejtori i Arsimit, Hysen Brahimaj, vlerësoi rëndësinë e këtij trajnimi për zhvillimin profesional të mësimdhënësve dhe avancimin e procesit mësimor.
“Një arsim cilësor kërkon mësimdhënës të përgatitur dhe zhvillim të vazhdueshëm profesional. Ky trajnim kontribuon drejtpërdrejt në përmirësimin e punës me nxënësit”, theksoi drejtori Brahimaj.
Trajnimi ka për qëllim forcimin e kapaciteteve profesionale të mësimdhënësve dhe zbatimin sa më cilësor të Kurrikulës në procesin mësimor, duke kontribuar në përmirësimin e cilësisë së arsimit në Komunën e Gjakovës.
