Në Gjakovë është mbajtur konsultimi publik për Kornizën Afatmesme Buxhetore (KAB) 2027–2029, dokument që orienton planifikimin buxhetor dhe përcakton prioritetet zhvillimore të Komunës së Gjakovës për tri vitet e ardhshme.
Gjatë konsultimit, Drejtori për Buxhet dhe Financa, Durim Halilaj, prezantoi projektet dhe aktivitetet e parapara në kuadër të kësaj kornize, duke theksuar rëndësinë e përfshirjes së qytetarëve në procesin e planifikimit buxhetor.
Qytetarët e pranishëm u inkurajuan të paraqesin propozimet, kërkesat dhe idetë e tyre për projekte dhe aktivitete në interes të lagjeve dhe komuniteteve ku jetojnë.
Drejtori Halilaj theksoi se buxheti i Komunës së Gjakovës u dedikohet të gjithë qytetarëve në mënyrë të barabartë dhe se kontributi i tyre është i rëndësishëm për një planifikim sa më gjithëpërfshirës dhe në përputhje me nevojat reale të komunitetit.
