Me ftesë të Caritas Switzerland in Kosovo, drejtori i Drejtorisë për Zhvillim Ekonomik të Komunës së Gjakovës, Ferdinand Kolaj, po merr pjesë në Konferencën Ekonomike dhe Panairin B2B me bizneset shqiptare në diasporë, të organizuar nga Rrjeti Global i Bizneseve Shqiptare në Zvicër.
Pjesëmarrja në këto aktivitete synon promovimin e potencialit ekonomik të Gjakovës, prezantimin e mundësive për investime dhe forcimin e bashkëpunimit me diasporën shqiptare.
Përmes takimeve me përfaqësues të bizneseve dhe institucioneve, synohet krijimi i partneriteteve të reja që kontribuojnë në zhvillimin ekonomik lokal, tërheqjen e investimeve, krijimin e vendeve të reja të punës dhe mbështetjen e bizneseve të Komunës së Gjakovës.
