Kryetari i Komunës së Gjakovës, Ardian Gjini, ka pritur në një takim njohës Kolonelin Federico Mora, të sapoemëruar komandant i Komandës Rajonale–Perëndim të KFOR-it, në kuadër të misionit të NATO-s në Kosovë.
Gjatë takimit u diskutua për zhvillimet aktuale në komunën e Gjakovës, si dhe për rëndësinë e bashkëpunimit të vazhdueshëm institucional në funksion të ruajtjes së sigurisë, stabilitetit dhe një mjedisi të qetë për qytetarët.
Kryetari Gjini shprehu mirënjohjen për partneritetin dhe mbështetjen e vazhdueshme të KFOR-it, duke theksuar rëndësinë e rolit të tij në garantimin e sigurisë dhe stabilitetit në vend. Po ashtu, u ritheksua gatishmëria për bashkëpunim të mëtejmë në interes të komunitetit dhe zhvillimit të qëndrueshëm lokal.
