Kryetari i Komunës, Ardian Gjini, ka pritur në takim Ambasadorin e Hungaria në Kosova, László Dux.
Me këtë rast, Kryetari Gjini theksoi se Hungaria është ndër shtetet e para që ka njohur pavarësinë e Kosovës dhe vazhdon të mbetet një mike e rëndësishme e vendit tonë, duke kontribuar në forcimin e institucioneve dhe zhvillimin e përgjithshëm të Kosovës.
Gjatë bashkëbisedimit, Kryetari Gjini dhe Ambasadori Dux u dakorduan për thellimin e bashkëpunimit të ndërsjellë, me fokus të veçantë në fushën e ekonomisë, investimeve dhe shkëmbimeve të përbashkëta. Palët theksuan rëndësinë e konkretizimit të projekteve që sjellin përfitime të drejtpërdrejta për qytetarët dhe kontribuojnë në zhvillimin e qëndrueshëm lokal.
