Kryesuesi i Kuvendit të Komunës së Gjakovës, Shefqet Shehu, ka pritur në takim përfaqësuesit e KFOR-it nga kontigjenti turk, të cilët veprojnë në komunën e Gjakovës.
Gjatë këtij takimi njoftues u shkëmbyen informata lidhur me zhvillimet e përgjithshme në komunë, si dhe u diskutua për mundësitë e bashkëpunimit ndërmjet Komunës së Gjakovës, Kuvendit të Komunës dhe KFOR-it.
Palët shprehën gatishmërinë për të vazhduar dhe forcuar bashkëpunimin institucional në funksion të sigurisë, stabilitetit dhe mirëqenies së qytetarëve.
