Kryetari i Komunës së Gjakovës, Ardian Gjini, ka pritur në takim shefin e Zyrës së UNDP-së në Kosovë, z. Nuno Querios.
Me këtë rast, Kryetari Gjini e falënderoi z. Querios për vizitën dhe bashkëpunimin e shkëlqyer institucional, duke theksuar gatishmërinë e UNDP-së për të mbështetur Komunën e Gjakovës pas vërshimeve të fundit.
Ai theksoi se ky bashkëpunim do të vazhdojë edhe në të ardhmen, në kuadër të projekteve të përbashkëta që synojnë përmirësimin e mirëqenies së qytetarëve dhe zhvillimin e qëndrueshëm të komunës.
