Kryetari i Komunës së Gjakovës, Ardian Gjini, ka nënshkruar marrëveshjen e radhës së bashkëpunimit me Kompaninë Rajonale të Mbeturinave “Çabrati”.
Edhe gjatë vitit 2026, kjo kompani do të vazhdojë të angazhohet në kujdesin për mjedisin dhe hapësirat publike të qytetit, përmes gjelbërimit, mbjelljes së fidaneve dhe luleve, si dhe mirëmbajtjes së autorrugëve.
Kryetari Gjini shprehu mirënjohjen e tij për punën e palodhshme dhe kontributin e vazhdueshëm që KRM “Çabrati” jep në funksion të një Gjakove më të pastër dhe më të bukur. Ai theksoi se Komuna e Gjakovës do të vazhdojë të qëndrojë krah kësaj ndërmarrjeje, me përkushtim të plotë ndaj mbrojtjes së mjedisit dhe mirëqenies së qytetarëve.
