Nënkryetari i Komunës së Gjakovës, Flamur Fetahaj, së bashku me drejtorin për Shërbime Publike Nikollë Lleshi, morën pjesë në ceremoninë e fillimit të punimeve të projektit të ri të ujësjellësit “Gjakova III”.
Ky projekt i KRU “Gjakova” po realizohet me bashkëfinancim të Ministrisë së Ekonomisë dhe Komunës së Gjakovës, ku Komuna ka ndarë 250,000 € për mbështetjen e tij.
Nënkryetari Fetahaj theksoi se ky investim është jetik, pasi siguron furnizim të qëndrueshëm me ujë të pijshëm për banorët e pjesës veriore të Gjakovës, të cilët deri tani janë përballur me shtypje të ulët të ujit. Ai ritheksoi se Komuna do të vazhdojë të mbështesë projekte që rrisin mirëqenien e qytetarëve.
Ndërkaq, Kryeshefi Ekzekutiv i KRU “Gjakova”, Hasan Kransiqi, u shpreh se zgjerimi i infrastrukturës në këtë zonë ka qenë i domosdoshëm për t’iu përgjigjur rritjes së kërkesave të banorëve dhe se ky investim do ta eliminojë problemin e shtypjes së ulët të ujësjellësit.
Ky projekt do të sjellë një përmirësim të prekshëm në furnizimin me ujë dhe në cilësinë e jetës së banorëve
