Komuna e Gjakovës është bërë pjesë e një kapitulli të ri me organizimin e programit “Youth Empowered”, një aktivitet gjysmëditor që u zhvillua për herë të parë në komunë nga Coca-Cola HBC Kosova dhe Innovation Centre Kosovo. Ky program ofroi mundësi të reja për të rinjtë, duke i pajisur ata me njohuri mbi inteligjencën artificiale, aftësitë e së ardhmes, shkathtësitë e buta dhe udhëheqjen.
Me kontributin e profesionistëve Valon Canhasi, Gent Shala dhe Shenaj Shala, si dhe me mbështetjen e Komunës së Gjakovës, “Youth Empowered” solli mundësi zhvillimi personal dhe profesional për shumë të rinj të komunës. Ky aktivitet është një hap i rëndësishëm drejt përgatitjes së brezit të ri për sfidat dhe kërkesat e tregut të punës dhe teknologjisë moderne.
