Kryetari i Komunës së Gjakovës, z. Ardian Gjini, bashkë me Drejtoreshën znj.Adea Roka dhe Udhëheqësin e Zyrës për Komunitete dhe Kthim z.Armend Behluli zhvilluan sot një takim me z. Tankut Soykan, Zëvendës Shef i Zyrës së Këshillit të Evropës
në Prishtinë, dhe znj. Sakibe Jashari, Zyrtare e Lartë e projektit “Forcimi i qeverisjes shumë nivelëshe dhe demokracisë pjesëmarrëse”.
Takimi ishte i përqendruar në rezultatet e arritura nga ky projekt, i cili prej fillimit të këtij viti ka kontribuar në rritjen e transparencës institucionale dhe në fuqizimin e pjesëmarrjes së qytetarëve në vendimmarrje .
Përveç vlerësimit të progresit, palët shkëmbyen ide për zgjerimin e bashkëpunimit në të ardhmen, duke nënvizuar përkushtimin e komunës për një qeverisje më gjithëpërfshirëse dhe më pranë komunitetit
